Mazoezi ya kujiandaa mwili dhidi ya  leba na kujifungua salama

Kabla hujaanza kufaya mazoezi haya, ni vema ukaelewa kwanza taarifa zifuatazo kuhusu kuitenganisha misuli ya tumbo. Wakati wa ujauzito, mstari mweusi unaoitwa linea alba hujitokeza katikati ya mwili nje ya tumbo. Hii ni kwa sababu ya mabadiliko ya homoni kwa mama mjamzito yanayoletwa na ujauzito. Msatri huu huligawa tumbo kwenye sehemu mbili iznazofanana.

Wakati wa kujifungua unapokaribia, mtoto atashuka chini ya tumbo kuelekea kwenye shimo la nyonga katika pozi la kichwa chini matako juu. Jukumu lako kubwa ni kujiweka fiti kimwili ili kumwezesha mtoto apite kirahisi kwenye nyonga na tundu la uzazi.

Nyonga ni sehemu ya mwili inayopatikana maeneo ya kiuno, sehemu hii imeundwa na mifupa miwili mikuu inayoitwa pelvis(angalia picha namba moja). Mifupa hii imefunikwa kwa misuli chini na pembeni kama ilivyo kwenye picha namba 2.

Maelezo yaliyoandikwa hapa yatakusaidia kumwongoza mtoto wako aliye tumboni kwenye njia ya uzazi ili uweze kujifungua kirahisi kabla ya uchungu kuanza.

Katika kipindi uchungu unaanza hadi kipindi unajifungua, masaa kadhaa yatapita. Kwa mama ambaye anaujauzito wa kwanza inaweza kuchukua muda wa masaa 11 toka uchungu umeanza mpaka kujifungua endapo uzazi ni wa kawaida.