Unapokuwa unatibiwa au kutibu mgonjwa mwenye shinikizo la damu, ni vema ukafahamu ni malengo gani unatakiwa kufikia na kwa kipindi gani. Maoni ya malengo ya kushusha shinikizo la damu la juu kwa kutumia dawa yaliyoandikwa hapa yanatokana na tafiti mbalimbali zilizofanywa.

• Kwa watu wenye umri Zaidi ya miaka 60, endapo presha yao ya SBP ni juu ya 149 na ile ya DBP ni juu ya 89, malengo ya matibabu ni kushusha shinikizo la damu la SBP kuwa chini ya 150 na DBP liwe chini ya 90

• Kwa watu wenye umri chini ya miaka 60, anzisha matibabu endapo presha yao ya SBP ni juu ya 139 na ile ya DBP ni juu ya 89, malengo ya matibabu ni kushusha shinikizo la damu la SBP kuwa chini ya 140 na DBP liwe chini ya 90

• Kwa watu wenye umri kati ya miaka 18 na chini ya 70, na ikiwa wana magonjwa sugu ya figo(CKD) anzisha matibabu endapo presha yao ya SBP ni juu ya 139 na ile ya DBP ni juu ya 89, malengo ya matibabu ni kushusha shinikizo la damu la SBP kuwa chini ya 140 na DBP liwe chini ya 90. Matibabu lazima yahusishe dawa za angiotensini konventing enzaimu Inhibita au angiotensin risepta bloka sababu tu ni kuboresha na kuleta matokeo mazuri ya utendaji kazi wa figo.

• Kwa wagonjwa wa kisukari wenye umri kuanzia miaka 18 na kuendeea, endapo presha yao ya SBP ni zaidi ya 139 na ile ya DBP ni zaidi ya 89, malengo ya matibabu ni kushusha shinikizo la damu la SBP ni kuwa chini ya 150 na DBP liwe chini ya 90

• Kwa watu wote wenye kisukari na shinikizo la juu la damu, matibabu dawa yanatakiwa kuhusisha dawa jamii ya thayazaidi na kalisiamu chaneli bloka.

Kumbuka

Malengo ya matibabu ya shinikizo la juu la damu ni kulishusha chini ya kiwango kama kinavyoonekana kwenye malengo. Kama malengo yasipofikiwa ndani ya mwezi wa matibabu, dozi ya dawa ya awali itatakiwa kuongezwa au kuongeza dawa ya pili kutoka kwenye dawa pendekezwa jamii ya (thayazaidi dyuretiki, kalisimau chaneli bloka, ACEI au ARB)

Endelea kupima presha ya mgonjwa mpaka malengo yatakapofikiwa, unaweza ongeza dawa ya tatu endapo itahitajika ikiwa tu umeshaongeza dozi ya dawa za awali kwa kiwango kinachoruhusiwa. Usitumie dawa jamii ya ARB na ACE kwa pamoja. Endapo malengo hayajafikiwa licha ya kutumia dawa kutoka kwenye kundi hili la ACE au ARB, tumia dawa kundi jingine badala ya kutumia makundi haya mawili kwa pamoja.

Endapo mwili wa mgonjwa hausikii dawa au mgonjwa amepata madhara ya shinikizo la damu, mpeleke mgonjwa kwa mbozezi wa kutibu shinikizo la damu.