Kuna njia nyingi unaweza tumia kushusha shinikizo la damu endapo hutaki tumia dawa;

Kwa kula vyakula vyenye mboga za majani kwa wingi, matunda na mbegu. Fuata ushauri wa mlo maalumu kama ilivyoelezewa katika makala hii. Kumbuka kwenye makala hii imeelezewa taarifa za awali tu, taarifa zaidi zinapatikana kwenye makala zingine za ULY CLINIC

Mlo Maalumu wa kushusha shinikizo la damu

Kula matunda (Milo mitano kwa siku)

Tumia matunda yenye ukubwa wa kati au tumia robo kikombe cha matunda ya kukaushwa

Tumia mboga za majani ( milo mine hadi mitano kwa siku)

Unaweza kutumia kikombe kimoja cha mboga za kijani ambazo hazijapikwa au nusu kikombe kilichopikwa au nusu kikombe cha juisi ya mboga za majani

Tumia mbegu za mimea isiyokobolewa( Kula mara saba hadi nane kwa siku)

Tumia slesi moja ya mkate usiokobolewa au tumia kikombe kimoja cha mbegu zisizokobolewa au nusu kikombe cha ugali au wali uliopikwa

Tumia kwa kiasi vitu vifuatavyo

• Mafuta kiasi(mara 2 hadi tatu kwa siku); mfano tumia maziwa kiasi cha mililita 250 au kikombe kimoja cha maziwa mgando yenye mafuta kiasi au kikombe kimoja na nusu cha samli yenye mafuta kiasi

• Nyama ya steki( Mara mbili kwa siku); Inaweza kuwa nyama ya ng’ombe isiyo na mafuta, nyama ya kuku, samaki au ndege alochunwa ngozi kuondoa mafuta, nyama ya kitimoto ilotolewa ngozi yenye mafuta.

• Tumia mbegu, karanga na maharagwe( mara nne hadi tano kwa siku); tumia nusu kikombe au mililita 14 za mafuta ya karanga

Mafuta na mafuta ya wanyama

• Tumia mafuta ya magarini kijiko kimoja cha chakula au mayonaizi kijiko kimoja cha chakula au liviko viwili vya saladi au kijiko kimoja cha mafuta ya mimea

• Tumia vyakula vyenye kolestro kiasi; tumia sehemu nyeupe ya mayai mawili ambayo hayajakaangwa na yakienyeji

Tumia kwa kiasi nyama nyekundu

Tumia gramu 85 mara tatu kwa wiki

Vinywaji vyenye sukari na vile vya kusindikwa(tumia mara tano kwa wiki)

Tumia sukari kijiko kimoja cha chakula au jamu kijiko kimoja cha chakula au nusu mililita 14 za juisi ya limao yenyesukari.

Punguza kiasi cha chumvi

Usile chumvi zaidi ya miligramu 2400 kwa siku

Vidokezo vya kuangalia na kuzingatia kiwango cha chumvu kwenye vyakula;

• Angalia lebo za vyakula viavyouzwa madukani kuona kiwango cha chumvi, kasha zingatia kiwango cha chumvi unachotakiwa kula, usile kuliko kawaida unayotakiwa kwa siku.

• Zuia kula vyakula vilivyosindikwa, vilivyofungashwa, maharagwe ya kukaushwa, mbaazi au kunde zilizokaushwa

• Chagua kula vyakula vyenye kiwango kidogo cha unsaturated fat au venye chumvi ya sodiamu kwa kiasi au supu yenye chumvi kiasi.

• Zuia kula mboga za majnai zilizosindikwa au zilizoongezewa chumvi

• Usitumie chumvi wakati unakula

• Tumia viungo na viungo asilia kuimarisha radha asilia ya chakula

• Usiweke chakula chumvi kabla ya kuonja

• Kula viazi vyenye chumvi kiasi kama bisibisi, au nyama au kitimoto au vyakula vilivyosindikwa

Mazoezi

Jihusishe kwenye mazoezi ya wastani na makali yaaerobiki mara tatu hadi nne kwa siku kwa wastani wa dakika 30 hadi 40 kwa kila zoezi. Mfano wa mazoezi ya aerobiki ni kama;

• Kuendesha baiskeli

• Kutembea

• Kucheza

• Kupalilia bustani

• Kucehza gofu

• Kukimbia

• Kuogelea

• Kucheza tenisi au mpira

Punguza uzito

Punguza uzito kwa kuongea na daktari wako namna gani upungue na upunguze uzito kiasi gani.

Acha kuvuta sigara

Zuia kiwango cha pombe unachokunywa kwa siku- kwa wanaume wasinywe zaidi ya mililita 60 kwa siku na wanawake si zaidi ya mililita 30 kwa siku. Soma zaidi kuhusu kiwango cha pombe kinachoruhusiwa kwenye makala za ulyclinic

Uwe na muda wa tafakuri

Pata muda wa tafakuri kwa kufanya maombi, kufanya yoga. Kuutuliza mwili na akili hufanya kupungua kwa shinikizo la damu.

Jipime shinikizo la damu ukiwa nyumbani

Ongea na daktari kukuelezea maana ya shinikizo lako la damu na pia ongea naye ujue ni nini matarajio ya matibabu ya shinikizo lako la damu na endpao matibabu yameshusha shinikizo la damu kwa kiwango kinachotakiwa kwako. Jifunze namba ya kupima shinikizo la damu kwa kubofya hapa

Kama una shida ya kukosa hewa wakati wa kulala, hakikisha unatumia mashine ya kukusaidia kupata hewa vema kila siku.

Soma zaidinamna ya kuandaa milo maalumu kwa kubonyeza kwenye menyu upande wa kushoto au chini ta maelezo haya