Mimba ya miezi minne

Mimba ya miezi minne ni sawa na mimba ya wiki 13 hadi 16 Katika makala hii utajifunza kuhusu nini kinatokea kwenye wiki ya 13 hadi ya 12 ya ujauzito. Kumbuka kuingia miezi minne ya ujauzito ni kuingia katika kipindi cha pili cha ujauzito.

Mimba ya wiki 13

Ni wiki inayoashiria kuisha kwa kipindi cha kwa cha ujauzi (mwezi wa kwanza mpaka watu) na mwanzo wa kipindi cha pili cha ujauzito (mwezi wa tano mpaka wa sita)

Nini hutokea kwa mtoto

• Mtoto huendelea kuongezeka urefu na uzito, hata hivyo uzito huongezeka taratibu

• Mifumo na viuongo mbali mbali huendelea kuimarika zaidi

• Mtoto huendelea kucheza tumboni

Nini hutokea kwa mama

• Uzalishwaji wa homoni za ujauzito hupungua na kupelekea dalili nyingi za ujauzito zinazomfanya mama kujisikia vibaya kuisha. Asilimia kubwa ya wajawazito hurejea katika hali ya kawaida na kufurahia maisha ya kila siku

• Hamu ya kufanya ngono huongezeka japo si kwa wanawake wote

• Mimba huanza kuonekana kwa nje

• Kuanza kuongezeka uzito

• Hatari ya kupata uti huongezeka

Nini cha kufanya

• Kula mlo kamili na kufanya mazoezi kama inavyopendekezwa, na kuepuka matumizi ya pombe na sigara

• Anza kuvaa nguo zenye nafasi zisizobana tumbo

• Fanya kipimo cha ultrasound; itasaidia kubaini shida yoyote kwa mtoto na maendeleo kwa ujumla

• Ongea na watoa huduma kliniki unapohisi dalili na viashiria vya U.T.I

Mimba ya wiki 14

Nini hutokea kwa mtoto

• Jinsia ya mtoto inaweza kuonekana katika kipimo cha ultrasound (si wataalamu wote wa vipimo wanaweza kuona jinsia katika wiki hii, inahitaji uzoefu mkubwa)

• Figo zinakuwa zimekamilika na mtoto huanza kukojoa

• Misuli ya uso wa mtoto huanza kuonesha hisia mfano kukunja ndita na kukonyeza lakini macho yanakuwa yamefunga

• Huanza kunyonya midomo, pia katika kipindi hiki mtoto huanza kunyonya kidole gumba

Nini hutokea kwa mama

• Kwa mwanamke mwenye zao zaidi ya moja huanza kuhisi mtoto anapocheza tumboni

• Tumbo huendelea kuwa kubwa

• Mama huendelea kuongezeka uzito

• Hamu ya kula huongezeka

• Pia mabadiliko mengine hutokea kama vile kukojoa mara kwa mara n.k

Mimba ya wiki 15

Nini hutokea kwa mtoto

• Uwezo wa mtoto kuonesha hisia za uso hungezeka

• Mtoto huanza kunyonya kidole gumba

• Masikio ya mtoto huwa yamekamilika na anaanza kusikia sauti kutoka katika mazingira na ndani ya tumbo la mama

• Mtoto anaanza kuhisi mwanga unaotoka katika mazingira japo macho yake huwa yamefumba

• Mtoto huanza kuchezesha miguu na mikono

Nini hutokea kwa mama

• Mama huendelea kuona mabadiliko ya uzito na sehemu mbali mbali za mwili

• Rangi ya eneo la matiti linalozunguka chuchu huwa jeusi Zaidi

• Kutokana na kuendelea kutanuka kwa kizazi mama huhisi maumivu ya tumbo na kiuno

Mimba ya wiki 16

Nini hutokea kwa mtoto?

• Mtoto huwa na ukubwa wa limao au parachichi dogo

• Wiki hii huwa mwanzo wa ukuaji na kuongezeka kwa uzito wa mtoto ambako huonekana zaidi katika wiki zinaofuata

• Sura yake huwa ya binadamu halisi, macho na masikio ambayo yalikuwa pembeni mwa kichwa hujongea na kukaa sehemu yake

• Mtoto huanza kuonesha mijongeo ya misuli ya miguu, mikono na uso. Mijongeo ya misuli midogo ya uso huweza kuonesha hisia kama kukunja ndita na kukonyeza

Nini hutokea kwa mama?

Ongezeko la homoni za ujauzito katika wiki hii humfanya mwanamke kuwa na mabadiliko yafuatayo;

• Kuwa na mn’gao ambao watu huweza kuhusianisha na ujauzito

• Kutokwa na chunusi kutokana na ngozi kuzalisha kiasi kikubwa cha mafuta

• Kuvimba kwa mishipa ya damu ya miguu au kuhisi maumivu na misuli ya miguu kukaza

• Kuongezeka au kupungua kwa hamu ya kushiriki ngono

• Tumbo la ujauzito huanza kuonekana, na mama huweza kuhisi kukojoa mara kwa mara

Mambo ya kufanya katika ujauzito wa wiki 16

• Usitumie dawa za kutibu chunusi badala yake safisha uso kwa sabuni isiyo na kemikali na tumia losheni isiyo na kiwango kikubwa au isiyo na mafuta kabisa

• Fanya mazoezi na nyoosha miguu endapo unahisi maumivu au misuli kukaza