Mimba ya miezi mitano

Mimba ya miezi mitano ni sawa na mimba ya wiki 17 hadi 20, katika kipindi hiki mabadiliko mbalimbali hutokea mwilini katika kila wiki. Makala hii imeelezea kuhusu mabadiliko yanayotokea katika lila wiki ya mimba ya miezi mitano.

Mimba ya wiki kumi na saba(17)

Nini hutokea kwa mtoto

• Mtoto huendelea kungezeka uzito na urefu

• Mafuta hutengenewa katika Ngozi yake ili kumpa joto

• Nywele za kichwa, kope na nyusi hujaa

• Mifumo yake ya mwili huendele kuimarika Zaidi

• Mtoto huanza kuazalisha maji ya chupa ya uzazi(amniotiki) kupitia mapafu

Nini hutokea kwa mama

• Huongezeka uzito

• Hamu ya kula huongezeka

• Huwa na nguvu zaidi

• Hushindwa lala vizuri kutokana na mimba kuwa kubwa

Mimba ya wiki kumi na nane (18)

Nini hutokea kwa mtoto?

• Mtoto huendelea kuongezeka kimo na uzito

• Mtoto huwa na ukubwa wa hoho

• Mifumo ya mwili huendelea kuimarika

• Mtoto huanza kupiga miayo na kwiki

Nini hutokea kwa mama?

• Tumbo huendelea kukua kwa kasi

• Matumizi ya damu huongezeka hivyo mama anaweza kuhisi kizunguzungu hasa akisimama kwa haraka baada ya kukaa. Hali hii husababishwa pia na mgandamizo wa mishipa ya damu kutokana na mimba kuwa kubwa

• Mgandamizo huo husababisha pia maumivu ya mgongo na kiuno

Mambo ya kuzingatia

• Epuka kulala chali

• Kunywa maji ya kutosha

• Endelea kutumia virutubishi vya madini chuma, pamoja na vyakula vyenye madini chuma

• Fanya mazoezi ya viungo

Mimba ya wiki kumi na tisa (19)

Nini hutokea kwa mtoto

• Figo za mtoto huanza kutengeneza mkojo

• Uwezo wa kusikia sauti kutoka mazingira ya nje y a mama huongezeka

• Mfumo wa ndani wa uzazi wa mtoto wa kike hukamilika na ovari zake huanza kuzalisha mayai

• Via vya uzazi vya nje kwa mtoto wa kiume huonekana vema

• Mtoto huwa na umbo lenye ukubwa wa embe

Nini hutokea kwa mama

• Kuendelea kuhisi maumivu ya kiuno na mgongo

• Kuendelea kuhisi mgandamizo kwenye nyonga

Mimba ya wiki 20

Humaanisha miezi mitano ya ujauzito, ambapo ni nusu ya safari ya ujauzito.

Nini hutokea kwa mtoto?

• Huwa na urefu wa takribani inchi 11

• Kichwa huwa na nywele zilizokuwa vema, na mwili wote hufunikwa na vinyweleo laini

• Ngozi yake huwa na utando mweupe unaozuia isijikunje

• Mifupa laini hubadilika kuwa migumu kiasi

• Korodani ambazo zilikuwa pamoja na matumbo huanza kushuka kuelekea kwenye mifuko yake

Nini hutokea kwa mama?

• Kuanza kuhisi mtoto akicheza tumboni hasa kwa wanawake ambao ni ujauzito wa kwanza

• Kuvimba miguu kutokana na kuongezeka kwa maji katika damu

• Kupata kiungulia na chakula kutomeng’enywa vema

• Kushindwa kulala vema kutokana na mgandamizo wa mimba

• Matiti hujaa na Sehemu ya chuchu huwa nyeusi Zaidi na kuwa na vitu kama vipele, na wakati mwingine kutoa maziwa

• Katika kipindi hiki mimba huendelea kukua kwa kasi na kuwa usawa wa kitovu, na kuongezeka kwa takribani inchi moja na nusu kwa wiki zinazofuata

• Mstari mweusi chini ya kitovu hutokea na ngozi ya tumbo huanza kuwa na michirizi