Haja kubwa kwa mtoto chini ya miezi 3

Watoto chini ya miezi mitatu huenda haja kubwa mara ngapi?

Watoto chini ya miezi mitatu hujisaidia haja kubwa mara nyingi kwa kila anaponyonya au kwa kila baada ya siku 2 hadi 3. Watoto wanaonyonya maziwa ya mama hupata haja kubwa mara nyingi zaidi kuliko wanaotumia maziwa ya kutengenezwa.

Tafiti moja iliyofanyika kwa watoto wengi zaidi kuliko kuwahi kutokea ikihusisha watoto 1175 ilionyesha kuwa watoto wanaonyonya maziwa ya mama, idadi ya kwenda haja ndogo hupungua kwa miezi mitatu ya kwanza kutoka kwenda mara 3 hadi 4 kwa siku hadi mara 1 au 2 kwa siku. Mabadiliko makubwa yalionekana kwa watoto wanaokunywa maziwa ya kutengeneza au mtoto anayepewa vyakula vingine pia.

Tafiti hiyo ilionyesha pia kuwa, watoto wanaonyonya maziwa ya mama hupata choo laini kuliko wale wanaotumia maziwa ya kopo na rangi ya kinyesi mara nyingi njano.

Watoto walipofikisha umri wa miaka 3, nusu yao ya waliokuwa wanatumia maziwa ya kutengenezwa kinyesi chao kilikuwa cha kijani.

Hitimisho

Kwa ujumla mtoto anayenyonya maziwa ya mama huenda haja kubwa mara nyingi zaidi, hupata choo laini na cha rangi ya njano. Na choo cha kijani kwa mtoto anayetumia maziwa ya kutengeneza(kopo) ni kawaida kwa watoto kwenye umri huu.