Kidonge cha calcium nyongeza

Shirika la Afya Ulimwenguni (WHO) limeshauri wajawazito haswa wale wanaopata kiasi kidogo katika mlo kutumia vidonge vya calcium nyongeza miligramu 1500-2000 kwa siku ili kupunguza hatari ya shinikizo la juu la damu, shinikizo tangulizi la kifafa cha mimba na kifafa cha mimba yanayosababishwa na ujauzito.

Shinikizo tangulizi la kifafa cha mimba limeorodheshwa kusabaisha madhara ya kiafya kwa watoto wanaozaliwa ambapo linahusishwa na magonjwa yafuatayo;

• Shinikizo la juu la damu utotoni (miaka 6-9)

• Mtindio wa ubongo

• Kiharusi cha ukubwani

Tafiti mbalilmbali zimefanyika kuangalia madhara ya matumizi ya vidonge vya calcium nyongeza kwa mtoto katika ukuaji mwili, umetaboli na ukuaji wa mfumo wa fahamu na kugundua mambo yafuatayo:

Madhara ya matumizi ya dozi kubwa ya vidonge vya calcium nyongeza wakati wa ujauzito kwenye ukuaji wa watoto bado hayajulikani kwa sababu ya taarifa za tafiti zinazokinzana na kukosa ushahidi wa kutosha.

Wakati matumizi ya vidonge hivi yanafanywa kuwa yakutumika kwenye kipindi chote cha ujauzito kwa wajawazito wote kwa sababu ya faida zake za kuzuia shinikizo la juu la damu na kujifungua kabla ya muda, utekelezaji wake hauwezi kukubalika kama kuna madhara yoyote kwa mzaliwa.

Taarifa zilizopo hata hivyo ni chache kuweza kutoa hitimisho kwamba matumizi vidonge vya calcium ya nyongeza husababisha matokeo chanya kwa vichanga na baada ya kipindi cha uchanga kupita na pia kutokuwa na madhara katika mwili haswa katika ukuaji wa mfumo wa fahamu na umetaboli.

Kwa nchi ambazo vidonge vya calcium nyongeza vinatakiwa kutumika kwa wajawazito, uchunguzi zaidi unapaswa ufanyike kwa wazaliwa wakiwa wachanga hadi ukubwani ili kugundua madhara ya muda mrefu.