Kipindi cha tatu cha ujauzito

Huanzia wiki ya 28 hadi 40 ya ujauzito. Kipindi hiki huwa cha mwisho katika safari ya ujauzito, kijusi hukua kutoka urefu wa sentimita 23 kufikia 48 hadi 53 na kuongezeka uzito kutoka gramu 820 hadi kilo 2 hadi 4.

Nini hutokea mwilini?

Katika kipindi cha tatu cha ujauzito unaweza kupata dalili na mabadiliko yafuatayo mwilini mwako.

Kuishiwa pumzi

Kuongezeka haraka kwa tumbo la uzazi husababisha mgandamizo kwenye ukuta wa dayaframu na kupelekea mama kuhisi dalili ya kifua kubana pamoja na kuishiwa pumzi. Wakati huu unapaswa kufanya mazoezi maalumu ya kukusaidia kukabiliana na dalili hizi.

Hisia za uke kuvuta

Kutokana na mtoto kuanza kushuka kwenda kwenye nyonga katika kipindi hiki cha tatu, mgandamizo wake hupelekea mama kuhusi uke kuvuta, maumivu na wakati mwingine hisia za kwenda haja kubwa na kukojoa mara kwa mara.

Kukua kwa tumbo na matiti.

Jinsi kizazi kinavyozidi kuongezeka ili kuongeza nafasi ya kijusi kinachokua ndani, nje ya mwili utaonekana tumbo linaongezeka. Matiti yako pia yatakuwa yakiongezeka taratibu na hivyo utahitaji sidiria ya kuyabeba vema. Maziwa pia yanaweza kuanza kutoka haswa katika wiki za katikati kuelekea mwishoni mwa ujauzito.

Uchungu wa uongo

Uchungu wa uongo ni hisia za uchungu kiasi, usioeleweka mpangilio na huwa mithiri ya kubana kwa misuli ya tumbo la uzazi. Katika kipindi hiki, vipindi vya kupata dalili hii huongezeka. Uchungu wa namna hii hutokea sana wakati wa mchana au jioni, baada ya kufanya ngono au kazi ya kimwili. Unashauriwa kuwasiliana na daktari wako kama maumivu yakiwa yanatokea kwa mpangilio unaoeleweka na kuongezeka kwa makali jinsi muda unavyoenda maana inaweza kuwa ishara ya uchungu kabla ya wakati.

Mabadiliko na dalili zingine zinazotokea kipindi cha tatu cha ujauzito

• Kizunguzungu

• Miguu kubana

• Kutokwa na ute ukeni wenye rangi ya maji au maziwa usio na harufu wala maumivu

• Maambukizi ya njia ya mkojo

• Kuhisi umechoka

Dalili za ujauzito katika wiki

Ili kufahamu dalili na ukuaji wa hatua kwa hatua katika kipindi cha tatu cha ujauzito, bofya makala halisi katika wiki hiyo

• Wiki ya 28 ya ujauzito

• Wiki ya 29 ya ujauzito

• Wiki ya 30 ya ujauzito

• Wiki ya 31 ya ujauzito

• Wiki ya 32 ya ujauzito

• Wiki ya 33 ya ujauzito

• Wiki ya 34 ya ujauzito

• Wiki ya 35 ya ujauzito

• Wiki ya 36 ya ujauzito

• Wiki ya 37 ya ujauzito

• Wiki ya 38 ya ujauzito

• Wiki ya 39 ya ujauzito

• Wiki ya 40 ya ujauzito

• Wiki ya 41 ya ujauzito

• Wiki ya 42 ya ujauzito

Soma kuhusu ujauzito kwa miezi

• Ujauzito wa miezi 7

• Ujauzito wa miezi 8

• Ujauzito wa miezi 9

Mambo ya kuzingatia kwenye kipindi cha tatu cha ujauzito

Katika kipindi cha tatu cha ujauzito, unapaswa kuendelea kuhudhuria kliniki ya ujauzito ili kusaidia kugundua matatizo yoyote kwako na kwa mtoto tumboni. Utapimwa uzito, shinikizo la damu, kimo cha mimba na vingine ambavyo ni muhimu kulingana na mahali ulipo.

Hakikisha unaripoti dalili zozote za hatari au zile ambazo ungependa upate ufafanuzi kwa mtaalamu wa afya wakati huu wa kuhudhuria kliniki.

Majina mengine ya makala hii

• Miezi mitatu ya mwisho katika ujauzito

• Traimista ya tatu

• Miezi saba hadi tisa ya ujauzito

Vipindi vingine vya ujauzito

Somo pia kuhusu vipindi vingine vya ujauzito kwa kubofya linki zifuatazo

• Kipindi cha kwanza cha ujauzito

• Kipindi cha pili cha ujauzito