Kirusi Measles

Kirusi measles au kirusi cha surua ni moja ya kirusi kwenye familia ya Paramyxoviridae kinachosababisha ugonjwa wa surua. Surua ni moja kati ya magonjwa ya kuambukizwa, asilimia 90 ya maambukizi hutokea kama mtu ana magonjwa mengine au kinga yake ya mwili imeshuka.

Magonjwa ya kirusi

Kirusi measles husababisha homa kali na vipele vidogo vidogo mwilini yenye jina la surua kwa jina jingine 'ugonjwa wa measle'

Historia ya surua

Tafiti za kwanza kuhusiana na ugonjwa wa surua ziliandika karne ya 19 na mwaka 1757 francis home alilipoti kwamba surua ni ugonjwa wa kuambukizwa unaopatikana kwenye damu na mwaka 1990 ugonjwa wa surua ulilipotiwa Tanzania.

Familia ya kirusi measles

Kirusi cha surua ni kimoja wapo kwenye familia ya Paramyxoviridae. Virusi katika familia hii hufahamika kwa kuwa na stranded RNA hasi pia husababisha homa kali na vipele vidogovidogo.

Sifa za kirusi

Kirusi Measles ni kirusi chenye strendi moja ya RNA hasi katika familia ya virusi vya paramyxoviridae yenye sifa zifuatazo;

• Wana RNA moja

• Huwana strendi moja ya RNA hasi

• Ganda lake la njee la seli limejifunga

• Wana kipenyo chenye urefu wa 150-300nm

Virusi wengine katika familia ya paramyxoviridae

Virusi wengine katika familia ya paramyxoviridae ni;

• Kirusi Para influenza

• Kirusi Mumps

• Kirusi Respiratory syncytial

Kirusi hutunzwa na nani?

Kirusi measles hutunzwa na binadamu.

Kirusi measles kinaenezwa kwa njia gani?

Kirusi cha surua kinaenezwa kwa njia zifuatazo;

• Kirusi husambaa kutoka mtu mmoja kwenda mtu mwingine kupitia matone ya chafya, kukohoa au ya pumzi

• Wakati mwingine watu huambukizwa kiruzi measles kwa kugusana na vitu au sehemu yenye virusi kisha kujigusa puani au mdomoni.

Vihatarishi vya maambukizi

Vihatarishi vya kupata maambukizi ya kirusi measles ni;

• Kutopata chanjo ya surua

• Kuwa na kinga kidogo ya mwili( watoto)

• Kutembelea ukanda wenye mlipuko

• Kula lishe duni

• Kuwa mjamzito

• Kuwa na upungufu vitamin A

Dalili za maambukizi ya kirusi measles

Muda wa kuatema ni ndani ya siku saba hadi kumi na nne. Mtu mwenye ugonjwa huu huweza kumuambukiza mwingine pale tuu dalili zinapoanza kuonekana. Dalili za ugonjwa wa surua ni;

• Kuota vipele

• Homa kali (nyuzi joto 40°c)

• Mwili kudhoofika

• Kukosa hamu ya kula

• Macho kuwa mekundu na kuwasha

• Macho kuvimba

• Kikohozi

• Kushindwa kuona vizuri

Vipimo

Asilimia kubwa ya vipimo hufanyika kutokana na hali ya ugonjwa, vinaweza kuwa;

• Kipimo cha immunoglobulin G (1g G)

• Kipimo cha immunoglobulin M (1g M)

• RT-PCR

• Kuotesha virusi

• Picha nzima ya damu

• Kipimo cha ufanyaji kazi wa ini

Magonjwa linganifu

Magonjwa yanayoweza kufanana dalili na maambukizi ya measles ( ugonjwa wa surua) ni pamoja na;

• Homa ya Dengue

• Ugonjwa wa Kawasaki

• Ugonjwa wa Serum

• Kaswende

• Sindromu ya mshitiko wa sumu

• Rubella

• Sepsis

• Konjanctivatiz kali

• Kuota upele wa dawa

• Erythema infectiosum

• Maambukizi ya kirusi Epstein-Barr

• Homa ya uti wa mgongo

Matibabu

Matibabu hulenga dalili na madhara yanayoweza kujitokeza kama vile;

• Mgonjwa anaweza kupata matibabu kwa kutibu dalili zile zinazoonekana kwa mgonjwa

• Mgonjwa atapatiwa dawa kutibu au kinga maambukizi ya bakteria

• Vitamin A

• Kuongezewa maji

Je kuna chanjo ya kirusi cha Surua?

Chanjo ya kirusi measles ipo.na hutolewa kwa watoto wanapofikisha miezi tisa baada ya kuzaliwa na kisha anapofikisha miezi kumi na nne baada ya kuzaliwa.

ULY clinic inakushauri uwasiliane na daktari wako siku zote kabla ya kuchukua hatua yoyote inayohusu afya yako

Wasiliana na daktari wa ULY clinin kwa ushauri na Tiba kwa kupiga nambza za simu au kubonyeza "Pata Tiba"chini ya tovuti hii

​

Orodha kuu

Rejea zamada hii;

1. CDC. Measles virus. https://www.cdc.gov/measles/cases-outbreaks.html. Imechukuliwa 13/09/2021

2. WHO. Measles virus. https://www.who.int/news-room/fact-sheets/detail/measles. Imechukuliwa 13/09/2021

3. NCBI. Measles virus. https://www.ncbi.nlm.nih.gov/books/NBK8461/. Imechukuliwa 13/09/2021

4. MEDSCAPE. measles virus. https://emedicine.medscape.com/article/966220-questions-and-answers. Imechukuliwa 13/09/2021

5. Measles Virus R. Cattaneo, et al. In Encyclopedia of Virology (Third Edition), 2008. https://www.sciencedirect.com/topics/neuroscience/measles-virus. Imechukuliwa 13/09/2021

6. Alison Margaret Kesson. Measles. Netter’s Infectious Diseases, 2012. https://www.sciencedirect.com/topics/neuroscience/measles. Imechukuliwa 13/09/2021